08 ديسمبر, 2019
نشر الممثل اللبناني باسم مغنية على حسابه الشخصي على انستغرام قبل عدة أيام مقطع فيديو للإعلان التشويقي الأول لمسلسله الرمضاني الجديد "أسود"، من تأليف كلوديا مرشليان، وإخراج سمير حبشي، وإنتاج جمال سنان وبطولة مجموعة من النجوم من بينهم ورد الخال و داليدا خليل، فيفيان أنطونيوس.
ومن المتوقع ان ينهي فريق عمل المسلسل تصوير المشاهد النهائية خلال أيام، كاميرا الانسايدر بالعربي زارت كواليس التصوير وقابلت نجوم العمل والمخرج سمير حبشي الذي قال:" قصة كثير Original شخصيات غريبة، كل شخصية عندها التاريخ psychology تبعها".
تدور أحداث المسلسل حول الانتقام ومثل اسمه كل الشخصيات فيها جانب أسود، واولهم شخصية ورد الخال التي تلعب دور "مارغو"، وعن دورها قالت ورد الخال: " انا عم بلعب شخصية نافرة ومستفزة، كذابة ، انتهازية ، وصولية ،ما عندها اخلاق ،مادية ، بتدعس ع الكل ، ما بهمها شيء".
من جهتها قالت داليدا خليل التي بدى عليها التعب والارهاق من كثر البكاء، "بعرف انه الدور معقد وصعب، كنت عم شوف كلوديا كاتبة انو دايماً حد كل مشهد كارن تصرخ ، كارن تبكي ، غط ع قلبي ، حكيت معها ، قلتلها بدك تكون هالقد تتصادم ، واحساسها يكون مرهف، بس ع بالي اعطيه حقوا لأنه بيتساهل".
وأضافت: "هي ضحية مشاكل بين أمها وبيها ، تعيش صدمة ليلة عرسها ، بيخطفوها ليلة عرسها ، بتبلش تعاني من مشكل ورا الثاني ، من صدمة ورا الثانية ، وغير انها مش شخصية بسيطة أبداً ، هي ربيت ع صريخ أمها ، وانجبرت تتعايش مع أمها بنفس البيت هرباً من العالم والمجتمع شو بدو يحكي".
اما باسم مغنية فسوف يطل بشخصية مختلفة ويعيش قصة حب مختلفة عن كل القصص مع داليدا، وعن دوره قال مغنية: " اشتغلنا على التفاصيل مش بس عنده شكل معين، اشتغلت كيف بيمشي ، كيف بيحكي، كيف بيضحك وكيف بيطلع ، كل شيء بشوفوا اسود ، حتى سيارته، واوضته".
وأضاف باسم : "من جوا هوي أبيض، انسان فعال بالحياة وعم يخدم المجتمع بطريقة ملتوية ، عنده مشكلة من الماضي ، عقدة صارت معه أثرت ع حياته فقرر إنه ينتقم وهيدا الانتقام واضح من الحلقة الأولى".
